რეფერირებადი და რეცენზირებადი საერთაშორისო ჟურნალი ,,ტრანსპორტი და მანქანათმშენებლობა“

სასწავლო-მეთოდური და სამეცნიერო-კვლევითი ნაშრომების კრებული ,,ტრანსპორტი და მანქანათმშენებლობა“ დაარსდა 2006 წელს. ჟურნალის პერიოდულობაა წელიწადში 3 ნომერი. 2024 წლის დეკემბერში დაიბეჭდა 61-ე ნომერი.

ჟურნალის სამეცნიერო მიმართულებებია:

• ტრანსპორტი;
• მექანიკის ინჟინერია;
• სამრეწველო ინჟინერია;
• ტრანსპორტის და მანქანათმშენებლობის მენეჯმენტი.

2023 წლიდან ჟურნალის მთავარი რედაქტორია სტუ-ს სატრანსპორტო სისტემებისა და მექანიკის ინჟინერიის ფაკულტეტის დეკანი, ასოცირებული პროფესორი, ბიზნესის ადმინისტრირების დოქტორი ბორის გითოლენდია.

ჟურნალის ,,ტრანსპორტი და მანქანათმშენებლობა“ მიზანია პერიოდულად მოახდინოს ფაკულტეტის პროფესორ-მასწავლებელთა და ტექნიკური პერსონალის მიერ დამუშავებული სამეცნიერო-კვლევითი ნაშრომების გამოქვეყნება. ამავე დროს, კვლევებში ჩართულ წარმატებულ სტუდენტთა აღმოჩენა და მათი უშუალო ჩართვა ფაკულტეტის პროფესორ-მასწავლებელთა მიერ შესრულებულ სამუშაოების პროცესში.

ჟურნალის ამოცანაა, როგორც საქართველოს ისე საერთაშორისო დონეზე მაღალი სამეცნიერო სტატუსისა და ავტორიტეტის მოპოვება და იმ ნიშის დაკავება, რაც საერთაშორისო აღიარების მქონე სამეცნიერო ჟურნალებს უკავიათ.

ჟურნალი იცავს სამეცნიერო პუბლიკაციების გამოქვეყნების ეთიკას. სტატიის გამოქვეყნება უფასოა.

კრებული ინდექსირებულია სხვადასხვა საერთაშორისო და ადგილობრივ საინფორმაციო ბაზებში:

• ჟურნალს ,,ტრანსპორტი და მანქანათმშენებლობა“ მინიჭებული აქვს სერიული გამოცემების საერთაშორისო სტანდარტული ნომერი ISSN 1512-3537 (International Standard Serial Number);
• 2008 წლიდან ჟურნალის ,,ტრანსპორტი და მანქანათმშენებლობა“ სტატიები რეფერირდება პოლითემატურ ქართულ რეფერატულ ჟურ­ნალში (ქრჟ) ქართულ და ინგლისურ ენებზე

https://techinformi.ge/ge/?page=footer/qrj

• 2016 წლიდან ჟურნალი ,,ტრანსპორტი და მანქანათმშენებლობა“ რეგისტრირებულია საქართვე­ლოს ეროვნული ბიბლიოთეკის ელექტრონული ბიბლიოთეკის ფონდში „ივერიე­ლი“, სადაც ჟურნალის ელ. ვერსიები განთავსებულია 2010 წლიდან

http://dspace.nplg.gov.ge/handle/1234/248720

• 2022 წლიდან საქართველოს ტექნიკური უნივერსიტეტის ხელმძღვანელობისა და სამეცნიერო-კვლევითი ინსტიტუტის − „ტექინფორმის“ ხელ­შეწყო­­ბით, სამეცნიერო ჟურნალს ,,ტრანსპორტი და მანქანათმშენებლობა“ მიენიჭა ციფრული ობიექტის იდენტიფიკატორი DOI (Digital Object Identifier) https://doi.org/10.36073/1512-3537
• 2022 წლიდან ჟურნალის ,,ტრანსპორტი და მანქანათმშენებლობა“ სტატიები და რეფერატები აგროკულტურის შესახებ ექსპორტირდება გაერთიანებული ერების სოფლის მეურნეობისა და ტექნოლოგიების საერთაშორისო საინფორმაციო სისტემაში UN FAO AGRIS. ტექინფორმი ამ სისტემის ეროვნული ჰაბია საქართველოში;
• 2023 წლიდან ჟურნალი ,,ტრანსპორტი და მანქანათმშენებლობა“ რეგისტრირებულია სისტემაში Google scholar;
• 2025 წლიდან ჟურნალი ,,ტრანსპორტი და მანქანათმშენებლობა“ ლიცენზირებულია Creative Commons Attribution-NonCommercial 4.0 International-ით (CC BY-NC 4.0) მიერ;
• 2025 წლიდან ჟურნალი ,,ტრანსპორტი და მანქანათმშენებლობა“ რეგისტრირებულია Eurasian Scientific Journal Index

https://esjindex.org/search.php?id=7926

• 2025 წლიდან ჟურნალს ,,ტრანსპორტი და მანქანათმშენებლობა“ აქვს სერიული გამოცემების (ISSN) საერთაშორისო სტანდარტული ნომერი ISSN 3038-4047 (online) (International Standard Serial Number)